Be-intehaan si Imtihan

Aaj raaste alag karne ka faisla tune kiya,

Main uttar chalu toh tu dakshin, yehi nirnay hai tune liya

Toh chalo ab safar shuru kare, tu meri disha ki doosri aur badhe

Par agar mere iman mein taakat hai aur yeh duniya asal mein gol hai

Toh ek din wapas aamne saamne hi aa khade hoyenge hum

Kyunki yehi toh sikhata mujhe mera bhugol hai

 

Tu meri yaadon se ladke dekh le

Chaahe toh sab nakarke unse jung ka ailan kar dekh le

Sirf itna yaad rakhna mere mehboob

Iss jung mein aakhri vaar toh beetein lamhe ka hi hoga,

Kyunki  nadaan aur halki si hai yeh pyaar ki naav,

Juda hone ka darr hi ek aandhi si le aayi

 

Hawa ne rukh badal di hai apni, kuch kehna chahti hai yeh humse shayad

Lagta hai bhagwaan bhi rootha  hain humse, unhe bhi yeh judaai gavara nahi,

Taare dhundhle ho gaye hai aur chand gayab

bhagwan ne bhi apne aasun chupane, badal ki chaadar odh lee hai shayad

Kyunki khuda bhi rota hai,usse bhi dukh hota hai, Woh sirf dikhata nahi

Baarish ke mausam me paani nahi, woh apne aasun hi ek saath barsata hai

Khuda bhi chikhta hai woh bhi chillata hai

Darr lagta nahi kya jab woh garajta hai?

 

Maine kaha mere pyaar ki koi hadd nahi

Toh Tune kaha behad pyaar achha nahi

Par aaj iss pyaar ko behad hone ki sazaa kaise du

jab woh teri aseem hasee ke waqt bhi behad tha

Teri har khushi ke liye behad tha

Teri ek ek pal ki muskurahat ke liye behad tha

Tujhe sabse khaas mehsoos karane behad tha

Jab woh pyaar ki baatein sunn kar tere rongte khade hue, woh iss behad ne kiye

Aur tere aasun ko sametkar khushi  bhi issi behad ne hi banayi

Agar phir bhi yeh guneghar hai toh de isse sazaa

Kyunki Yeh behad, madhyam ya aparyapt pyaar ki baat mujhe janni nahi

Technology agar pyaar maapne ka bhi sadhan le aayi, toh woh baat mujhe samajhni nahi

 

Aur haan maana aasun bhi diye rahenge maine tujhe

Par jab kudrat ek mausam mein paani barsake doosre mausam mein nadiyaan sokh leti hai

Toh woh toh kudrat ka jaadu hai, kudrat agar waqt se ghair mehfooz hua

Toh main toh abhi bhi insaan hoon

Arey main toh abhi bhi insaan hoon

Teri khushiyon ke liye hi bhaagta hoon aur usme kabhi fisal jaata hoon

Bass agar fisalke sahare ke liye tera haath aage badha dikhe

Toh yeh banda ek pair pe bhi teri khushi ke liye phir daud nikle

 

Kyunki  nadaan aur halki si hai yeh pyaar ki naav,

Sirf Juda hone ka darr ek aandhi si laayi hai

Pata nahi kab tak yeh kambakht aandhi rahegi,

Ab toh yeh imtihan bhi be-intehaan si ho gayi hai

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s