Ab Wapas Aa jao

Chalo ab zidd matt karo, aur wapas aa jao
Pehle jaise gale lagakar, mehfoozi ko bhi ghair mehfooz kar jao
Arey Kal toh baitha tha main tumhare saath, sochte hue kaisi lagogi tum 20 saal baad
Phir dil ne kaha ki jab tak mere saath ho tum, aisi hi lagogi kitni bhi sadiyo baad
Kal toh woh pyaari baatein batayi humne ek doosre ko
Woh yaad karke shayad main jee loon koi bhi kashmakash ko
Tum rooth ke meri yaadon ko yun nazarandaaz matt kiya karo
Iss badmaash hawa ko itni taqat dekar, berukhi ka saath matt diya karo
Abhi toh bohot ladayi ladni baaki hai inse
Iss guzarte ghum ke badal ke darr se, apne saaye ko mujhse chupaya matt karo

Haatho ki lakeer padhna toh nahi jaanta main
Bas itna jaanta hoon ki jo lakeer sabse tez, wohi humaare rishtey ki hai
Rashi mein zyada bharosa rakhta nahi hoon main
Parr agar koi facebook page ne bataya ki tumhara zodiac sign mere sign ke liye bana hai,
Aankh bandh karke maan leta hoon usko
Saath rehna hai ab hume, yeh baat tu bhi samajh jaa
Luka chuppi khel ke thak gayi ho agar tum, toh aake dhabbah kar jaa
Bohot ho gayi zidd, bas ab tu wapas aaja
Ek baar nazrein milaake, qaidi bana jaa

Tanha hai mera dil itna, teri dhadkan ki awaaz agar sunn na paaye
Tanha hai mere honth yaha, jo tere maathe ko chum na paaye
Tanha hai yeh aankhein yaha, tujhe ab jo nihaar na paaye
Tanha hai yeh haath yaha, jo tujhe ab yeh thaam na paaye
Mere kaan hai mayoos jo teri awaaz yeh sun na paaye
Mere pair hai hairan jo tujhe saamne dekh ke uchhal na paaye
Meri baah hai bekaar jo tujhe gale yeh na laga paaye
Arey mera phone takk bhi hai berozgaar jo ab usse tere message aa na paaye
Bass zehen hi hai, jahan teri yaadein harr pal ghumti rehti hai
Bohot tanhav hai yaha, yeh aasun har waqt mere palke ko chumti rehti hai
Ab aur matt tadpa, tu wapas aaja
In aansuon ko soakke, ek naya mausam dikhaja

Haan Jaanta hoon tu naaraz hai, par idhar uss dukh mein main bhi bimaar hoon
Maana ki ladkhadaya main, par ab aake aaram deja
Hamesha tere dil ko Kohinoor maana, aur teri haseen ko apna junoon
Ek baar ussi junoon se Kohinoor sambhalte, thodi dhool hatanaa bhool gaya
Ho sake toh yeh bhool ko huzoor, tum nazar andaaz kar jaana,
apne ishq mein ek ghaav sa laga hai, ho sake to aake malam laga jaana
Aur iski bhi sazaa katunga main, chaahe woh umar qaid hi kyun na ho
Bas woh umar qaid ki jagah, tu apne dil mein bata jaana

Ab bohot ho gayi hai der, tu wapas laut aa
Iss dil ko ab tere seene mein hi hai ghar sa lagta, isse ab wapas le jaa

2 Comments

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s